Omupresident gwa America okwati South Africa ita hiywa komutumba gwa landulako go G20 tagu ka ningilwa moshilongo she

Omupresident gwa America Donald Trump okwati South Africa ita hiywa komutumba gwa landulako go G20 omumvo taguya mo Florida

Shika osha landula sho Washington iiteka momutumba gwaaleli oshiwike sha piti mo Johannesburg,shoka South Africa a hokolola kutya oshili egeelo.

O Africa news oya lopota kutya Trump okwa gandja ombedhi ku Pretoria oku longitha uupresident we G20 muuwanawa we mwene,sho O G20 yeetapo o declaration yonkalo yombepo nomashongo galwe gopauyuni nonando ga tindwa ku Washington.

Tati South Africa okwa tindi okugandja  uupresident wo G20 kosheendo sha Ameria,tati oshilongo itashi hiywa komutumba gomumvo taguya mo Miami.

Ombelewa yomupresident gwa S.A Cyril Ramaposa oya kondema omipopyo dhoka,tati uupresident owa gandjwa pambelewa, kuuministeli wiikwapondje ya S.A.

Okuza nkene ayi mombelewa,Trump okwa kala ta sheke S.A,ta tetula omakwatho gopashimaliwa,noku kala teendulula kutya epangelo tali kwatelwa komeho kaaludhe, otali odheke aakwashigwana yoshipa oshitiligane.