Opolisi yoshilongo oya tamekitha oshikonga shomatango omanene shomumvo 2025-2026 moshitopolwa Kavango West kohi yehuku:Safer Namibia

Komanda gopolisi moshitopolwa  Komufala Julia Sakuwa Neo okwati oshitopolwa osha dhidhilika eindjipalo lyiiponga yomoondjila nuumvo,yili 307 nomaso 19 ,okuyeleka niiponga 192 nomaso 9 omumvo gwa piti.

Oshikonga osha tameke mo 15 November tashiyi sigo 16 January  2026,notashi odheke mboka taya hingi ya longitha iikolitha,mboka taya hingi ondapo ya piitilila,okuhingga nuuhasha,oshowo ekeelelo lyiimbuluma ya kwalukehe.

Sakuwa Neo ta londodha wo oshigwana opo shaa ikuthile oveta kusho shene,sha landula iiponga iidhipagi mo Kayaura,Nepara nomo Guagui sho aakwashigwana ya kwambadhala oku ponokela aahingi yiiyenditho noku yonagula iiyenditho yawo.

Opolisi tayiindiile aalongithi ayehe yoondjila ya simaneke ooveta dhomondjila, noku longela kumwe nomahangano gooveta pethimbo lyomatango omanene.