Oshongalele shelikalekelwa shoilyo yocabinet osha kufa ombinga nena ko NIPAM

President Dr. Netumbo Nandi-Ndaitwah, nena okwa kufa ombinga moshongalele shelikalekelwa pamwe noilyo yo cabinet oku likunda kombinga yoikumungu yafimana yopashiwana.

Olopota yapitifilwa oikundaneki ongula yonena okudja mombelewa yomupresident oyati  oshongalele shewiliko eti 8 lepangelo osha ningilwa ko NIPAM.

Oshongalele otakulopotwa sha unganekwa koshi yekanghameno olo taliti “ okweetapo omalunduluko menghonopaleko ne kwatakanifo lomilanduveta, ewiliko oshoyo eyandjo lomayakulo koshiwana opo kweendelelifwe exumokomesho lopashiwana.

Omuleli wa Namibia moshongalele talongifa omito oku pandula ewiliko laye, shalandula koindjemo yomahoololo oyo ya yandja efindano lishambula, ashike okwe vadimbulukifa yoo nghene shafimana kuvo onga ovaleli vayandje eyakulo liliwetikile no lina ongushu koshiwana efiku keshe.

Okwadenga omufindo nghene shapumbiwa oku tulapo ekwatafano moikondo aishe, ngaashi nana shili pamulandu umwe no mafaneko ondungefaneko inasha no mayambulepo opashiwana  NDP6,  oshoyo o manifesto yongudu yo SWAPO.

Okwati eliko loshilongo ola pumbwa et ungululo no kweetapo eemito doilonga unene kovanyasha.

Netumbo Nandi Ndaitwaha tapula oukumwe nelongelokumwe oshoyo ewiliko liwa noku  henuka yoo oulingilingi oyo ikwatele komesho oshilongo mouwa woshiwana ashishe.