Trump onkee tiindiike aakwashigwana yiilongo oyindji yaahaye moshilongo she

Omupresident gwa America Donald Trump ohela okwa lelepeke ondjindikila yomalweendo ,paku indika aakwashigwana okuza kiilongo iheyali ,mwa kwatelwa syria,oshowo mboka yena oo passport dha Palestine,yaahaye mo America.

Ondjindikila yongaashingeyi oyeeta omwaalu gwiilongo po 40 ,mbyoka aakwashigwana yawo yiindiikwa yaahaye mo America pawukwashigwana,na Trump ta kindjiike wo omilandu dhomalweendo okuza kiilongo yomuutokelo.

Shika osheya sho Trump,ngoka ena ondjokonona yoku odheka aatembuki a  gandja elombwelo oku shunithako aatembuki oyendji kiilongo yawo,ta odheke unene mboka yaashi aa America aatiligane.

O White House oyati elombwelo otaliindiike aakwiilongo mboka yena elalakano lyoku tula moshiponga aa America.

Onzonkundana yo APF oya lopota kutya Trump okwa hala wo oku kelela aakwiilongo yaahaye moshilongo,mboka taya dhini nenge taya eta okwaahena engungumano miiputudhilo ye,mepangelo nenge momuthigululwakalo gwe.