Omupresident gwa Belarus Alexander Lukashenko okwati iikolokosha mo Ukraine otayi ka hula nombili

Omupresident gwa Belarus Alexander Lukashenko okwati iikolokosha mo Ukraine otayi ka hula nombili,ashike okwa dhenge omuthindo kutya etokolo lyokuyele olya simana oku keelela ekanitho lyoomwenyo odhindji.

Lukasheko ta holola eipulo enene kombinga yemono lyiihuna  lyaantu miita mbyoka itaayi hulu,ta holola omwaalu gomaso ogendji oshowo mboka yeehamekwa.

Oznonkundana yo Xinhua oya lopota kutya Lukashenko okuulike kutya eyamukulo lyopambili miita olyiikolelela koombinga odhindji,kashishi ashike oonkambadhala dhoshilongo shimwe,ta holola kutya omupresident gwa America awike ita vulu oku potokonona iita,mbyoka ya guma paukililo Russia,Ukraine niishiindalongo ngaashi Belarus.

Lukasheko tati etsokumwe lyomeendelelo itali vulika,ashike okweendulula kutya shoka sha simana moonkundathana dhombili okweetapo tango eegeko lyiilwitho, oku shilipaleka kutya kapena ombinga tayi longitha eegeko lyiilwitho, oku homata natango.