Ongudu yoSwapo taipula opo omupresident wa Venezuela akale amangululwa

Ongudu yoSwapo oya yemba neenghono etokolo la US, oo akwatapo omupresident wa Venezuela Nicolás Maduro, no taipopi kutya onghatu ya katukwa ku America oili yaya pomunghulo omilanduveta delongifo nayi lomakwatepombabjona oveta yopaiwana yehangano loiwana yahangana.

Shelikwatelela kolopota yoshikundaneki sho Windhoek Observer,  oyati oo eli hamushanga wongudu yo Swapo meme   Sophia Shaningwa, okwati  ekwatepo lomuprsident wa Venezuela olaponya filu omilanduveta odo da tulilwapo eameno loilyolongo paiwana.

Okwaati ongudu yo Swapo oili taiyandje oushima koshilongo  United States, ketokolo olo aninga osho taiti oshili omambadameko no matilifo taaningilwa  omakwatafano opaudipolomate paiwana oshoyo ekalekepo lombili nengungumano moilyolongo.

Ongudu yo Swapo taipula opo omupresident Maduro, opamwe na nekulu laye va kale vamangululwa no yapula yoo oilyolongo unene tuu ya Africa, yuulike eyambidido layo ku Venezuela,  opo omashongo no maupyakadi oo elipo akandulwepo tashipitile meenghundafana.

US ota kulopotwa amangapo omupresident wa Venezuela temupe oushima woukulo nelongifo loingangamwifi, omatamaneko oo Venezuela apopya kutya kaena oushili washa.