Ehangano lyo MTC nolyo MVA Fund metitano oga gandja oonguluskola dhili 8 ko Shaanika Nashilongo Sec school moshitopolwa Omusati 

Oongluskola dha gandjwa oku pitila mo MTC rural schools Project,odhina ongushu yoodola oomilion dha konda 2.

O MTC’s Chief Brand, Marketing, Communications and Sustainability Officer, Tim Ekandjo,okwati opololeka yo Rural schools oya pungula oodola oomilion 18 noku tuunga oonguluskola dhili 61,o labora yimwe yoo computer,endiki lyuundjugo,noongulumpungulilo dhili 7 miitopolwa 14 yoshilongo.

Tati nuumvo otaayii koshitopolwa Erongo,hoka taaka yambidhidha ooskola 3,noku etitha ya kale yaadha iitopolwa ayihe 14 yoshilongo.

Nokuza mpoka okwati otaayi kiitopolwa ya gumwa uunene kompumbwe yoonguluskola nomandiki.

Omunambelewa gomakwatathano mo MVA Fund John Haufiku  okwati oku pungula mooskola dhokuushayi kashishi ooshali,ashike oku puungula monakuyiwa yoshigwana.

Ngoloneya gwa Omusati Immanuel Shikongo okwati oonguluskola kadhishishi ashike omakuma noombuli,ashike odhili ehala lyotseyo,omukumo,nompito.

Omunashipundi gwewiliko lyoskola Michael Simeon okwa tumbaleke o MTC no MVA Fund omolwa eyambidhidho lyawo neitulemo lyawo kelongo.