Oshiketha shoku yambidhidha aailongi noshimaliwa shoku ilonga, o Namibia Students Finacial Assistance Fund, nena osha tamekitha oshokumungu shonuumvo shoku ninga omaindilo paungomba

Oshiketha shoku yambidhidha aailongi noshimaliwa shoku ilonga, o Namibia Students Finacial Assistance Fund, nena osha tamekitha oshokumungu shonuumvo shoku ninga omaindilo paungomba,nokuulika onkatu onene oku nkondopeka ompito yokuya kiiputudhilongo  yopombanda.

Ta popi petamekitho,ngoka ta kwathele onga omunambelewa kuluntu go Nasfaf Kennedy Kandume okwati etamekitho olyuulike elunduluko lyoku yambidhidha pashimaliwa elongo lyopombanda mo Namibia.

Ta holola kutya aailongi ya thika 30 138 oya yambidhidhwa pashimaliwa omumvo gwa piti,noshimaliwa sha konda poodolla oomilion 3.1 okuza momaindilo 41 322.

Omanga ta popi pethimbo lya faathana,ominista yelongo Sanet Steenkamp okwati osheetwapo shelongo tali futwa etata kepangelo oshili onkatu tayi lalakanene oku ningitha elongo li monike ku kehe gumwe.

Minister ta endulula eitulemo lyepangelo oku futa iimaliwa yoku ishangitha noyelongo kaailongi ayehe yaadha iipumbiwa .

Noku indila aailongi yiitulemo melongo lyawo.