Oshitopolwa Oshikoto sha tamekitha oshikonga sho Polio ohela

Oshikondo shuuhaku moshitopolwa Oshikoto ohela osha tamekitha edhingoloko etiyali lyoshikonga sho polio kokapangelogona ka Omuthiya.

Oshikonga otashi odheke oku tuntila aanona 68 235 yokohi yoomvula 10,taya tuntilwa o polio.

Edhingoloko lyotango olya tameke omandaaha tali hulu metine,omanga edhingoloko etiyali tali tameke mo 24 Feb.

Ngoloneya gwa Oshikoto Sacky Kathindi,ta gandja eta lyotango lyopolio okwati oshhikonga oshitopolwa sheitulemo lya Namibia oku keelela etandeelo lyo polio virus type 2 noku shilipaleka kutya kapena okanona ka thigalapo ngele tashiya kekeelelo lyomikithi dhoka hadhi keelelwa.

Omunambelewa kuluntu guuhaku moshitopolwa Joshua Nghipangelwa okwati oospan odha pyakudhukwa okutuminwa komandiki agehe guuhaku oshowo kiitasii ayihe yomayakulo guuhaku oku shilipaleka kutya kehe okanona oka pewa eta lyopolio.