Ehangano lyoku konga omuku nomahooli lyo Rhino Resources Ltd ,olya wayimine omutumba go Namibia International Energy Conference nuumvo ,onga omukwashilipaleki gopamuthika gopombanda

Ehangano lyoku konga omuku nomahooli lyo Rhino Resources Ltd ,olya wayimine omutumba go Namibia International Energy Conference nuumvo ,onga omukwashilipaleki gopamuthika gopombanda, oku nkondopeka oonkundathana dhoshikondo, sho Namibia tiilongekidhile oku longa omahooli ge gotango.

Etseyitho olya ningwa metitatu momushangwa gopamuhanga komahangano gopaali, komeho yedhingoloko eti 8th lyo Namibia International Energy Conference tali ningilwa mo Windhoek okuza mo 14-16 April.

Omukuluntu wiliki go Rhino Resources Travis Smithland okwati ehangano olyuuvite etumba okuyambidhidha omutumba onga ompito yoonkundathana tadhi tungu pethimbo lyoshiluku sha Namibia oshitiyali shekoko.

Omutotipo nomuunganeki gomutumba nokuli omukuluntu wiliki go RichAfrica Consultancy Ndapwilapo Shimutwikeni okwa shambekele eyambidhidho lyo Rhino Resources onga omukwashilipaleki omunene,tati ekuthombinga lyehangano olya kalelapo ekoko lyiilonga moshikondo sha Namibia shoku konga omuku nomahooli.

Omutumba gonuumvo go NIEC otagu ka ningwa kohi yehuku:The Road to First Oil and Beyond: Partnership, Investment, Growth nokwa tegelelwa gu nane aayenda yomoshilongo noyopashigwana ya konda 1 000,mwa kwatelwa aanambelewa yepangelo,omahangano gopashigwana giikwankondo ,aapunguli naagandji yomayakulo.