Omukifi wo Malaria onghee tautwikile no kutandavela moshilongo

Namibia  okwa lopotwa a adididilika oupyakadi wovanhu vaningwa oihakanwa yomukifi wo Malaria, vefike po 8 760 omo 604 va tambulilwa meembete doipangelo omanga 11 vaxulifa  sha didilikwa okudja mo  25 January 2026, moshilongo ashishe.

Shelikwatelela kolopota yoshikundaneki sho Nampa oyati omukanda oo wapitifilwa oikundaneki okudja kouminsitry wonghalo nawa noudjolowele onghela, owati omuvalu wadidilikwa owa kalelapo eyopombada lee 68 per cent  oku shiyelekanifa nomuvalu waavo vadidilikilwe vaningwa oihakanwa yomukifi vali vefike 5229 efimbo lafaafana omudo wadileko.

Ouminsity owati oiningwanima yovanhu vaningwa oihakanwa yomukifi, oya didilikwa moipangelo ya yooloka yoshilongo omo mwa kwatelwa ngaashi Andara, Nyangana, Ncamagoro, Nkurenkuru, Eenhana, Engela, Okongo, Grootfontein, Katima Mulilo, Rundu, Tsumeb, Otjiwarongo, Omuthiya, Tsandi, Outapi, Okahao, Opuwo, Oshikuku, oshoyo  Oshakati.

Omavalulo okwa ulika omudingonoko woipangelo ya Katima Mulilo, oyo unene ya didilikwa ouhapu waavo vaningwa oshihakanwa wakalelapo  17 per cent.

Olopota oyati omuvalu waavo vaningwa oihakanwa ota shidulika ulonde okuya pombada eshi omuloka natango tautwikile.

Ouminsity taupula oshiwana shikale shatulapo omikalo do ku laamena oku lika keemwe.

Omukukifi wo Malaria,  owa konekiwa no madidiliko ngaashi oshoombo, omutwe, ouyehame womatwikinino omakipa, outalala ile oupyu, etelele onghungo oku tumbulapo ashike omadidiliko amwepo.