Sief al Islam Gaddafi,Omonamati gomuleli omukulu gwa Libya Moammar Gaddafi okwa dhipagelwa mondoolopa Zintan,shiikwatelela kaanambelewa ya Libya metiyali

Onzonkundana yo Africa news oya lopota kutya uukwatya weso lye inawu tseyithwa,ashike iikundaneki moshilongo otayi lopota kutya okwa dhipagelwa megumbo lye kaalumentu ya homata.

A valwa mu June 1974,Seif al Islam okwiilongela o PHD ko London School of Economics nokwali a talikako onga onga omweeti gwelunduluko mepangelo lya Gaddafi.

Gaddafi okwa kuthwa koshipundi noku dhipagwa pethimbo lyiikolokosha ya kwatelwa komeho ko NATO mo 2011,sho a pangela oshilongo omimvo dha konda 40.

Seif al Islam ta kwatwa omanga kwali ta kambadhala okutaukila ko Niger,

Nokwa mangululwa kaakwiita mu June 2017,nokuza mpoka okwa kala mo Zintan sha Libya.

Ompangu ya Libya oyemu tamanekele iipotha yoku etitha omakuyunguto noku dhipaga aahololi madhiladhilo,nokumu pa egeelo lyeso muukwahepo mo 2015.

Nokwa kala wo ta kongwa kompangu yo ICC miipotha yiimbuluma yemonitho lyiihuna yiimanga komakuyunguto gomo 2011.