Ookomanda yopombanda mongundu yo Rapid Support Forces ya tulilwamo oondjindikila kiigwana ya hangana

 

O UNSC oya tseyitha oondjindikila koo komanda yane yo RSF omolwa iimbuluma ya longwa mu Kotoba,sho ya kwatako oshilando El- Fasher mo Darfur.

Yane oyeli iilyo yopombanda yo RSF,ndjoka omakonakono giigwana ya hangana oshiwike sha piti ya mono kutya oya longa iimbuluma yomadhipago gakiinahenda moomwedhi dhawo 18 dhekondeko lyoshilando,nokushi kwatako lwanima.

Yo oyo aapevi komanda yongundu Abdelrahim Hamdan Daglo na  Gedo Hamdan Ahmed, Brigadier General Al-Fateh Abdullah Idris na field commander Tijani Ibrahim.

Okuza mu April 2023,Sudan okwa kala a taalela shoka iigwana ya hangana yiithana kutya iita yomiyonena pokati ko RSF naakwiita yepangelo,ya dhipaga aantu omayovi omathele noku etitha iikele iinene muuyuni yondjala nomatulululo.

Onzonkundana yo AFP oya lopota kutya uule womvula netata,o RSF oya kala ya kondeka oshilandopangelo sha  North Darfur ,oshilando El Fasher,nokushi kwatako mo 26 Kotoba.