Aanilonga yehangano lyo NORED ya pewa egwedhelo lyoondjambi nuuwanawa wo 14th cheque

Aanilonga yehangano lyo NORED otayaka pewa uuwanawa wo 14th cheque,opamwe negwedhelo lyoondjambi noo % 4 okutameka mu 01 July 2025,oshowo oo % 4.3 okuza mu 01 July nuumvo.

Shika osha tseyithwa kuuministeli wuuyuki niilonga nena.

Etsokumwe olya landula ekanka kaanilonga yo NORED ndyoka lya hulu oowili dhongula yonena,sha landula oonkundathana dhomuule dheendithwa kominista yuuyuki niipambele yiilonga Fillemon Wise Immanuel.

Omupopiliko guuministeli Jerry Namalenga okwati oonkundathana okwali dheeta pamwe ewiliko lyo NORED,ewiliko lyopombanda,nehangano lyaanilonga yomoomina,MUN,pethimbo mpoka iipangelo ,ooskola,oongeshefa nomayakulo galwe ga simana kwali ga taalela oshilanduli shepiyaganeko lyolusheno lyeetithwa kekanka.

Etsokumwe olya shainwa potundi onti 12h00 yuusiku.

Immanuel,tati epotokonono olyeendulula ongushu yoonkundathana tadhi tungu miipambele yiilonga.

Tati oshizemo oshuulike kutya uuna aaleli ya hogolola oonkundathana peha lyetopoko ,uuthemba waanilonga owa kalekwapo,engungumano mehangano olya shilipalekwa,nomayakulo ga simana oga gamenwa,nomayamukulo gopamuhanga ogaadhika muuwanawa waayehe.