Aantu ya hamano oya hulitha sho oshilambo shomina sha mbonyoka komina yo Coltan muutokelo wa DRC

Ooho intali oyati omidhimba dhaakiintu ya 3 naalumentu ya 3 odha kuthwamo moshilambo shomina,ndjoka yili oshinano shoo Km 70 muutokelo wa Goma.

Yamwe oyeehamekwa noonkondo.

Onzonkundana yo Africa news oya lopota kutya aapambele oyayi komina yaka konge uuyelele waapambele yawo mboka yaaha wetike.

Shika oshiponga oshitiyali komina ya Rubaya miiwike yongaashingeyi,sha landula ekungulukovi mu Jan ndyoka lya faalele oomwenyo dhaantu 200.

Omina ya Rubaya,ndjoka hayi longo oo % 30 dho Coltan muuyuni oya kala tayi kondololwa koorebel dho M23 okuza mo 2024.

Oshitopolwa osha taalela iikolokosha tayi tsiile nokwaahena engungumano moomvula dhongaashingeyi.