Omunambelwa omukulunhu mehangano NTA Erick Nenghwanya takunghilile ovo vena oiputudilo yomalongo opaungoba ina ishangifwa pambelewa vakale veixulifapo

Omunambelwa omukulunhu mehangano lo Namibia Training Authority (NTA)  Erick Nenghwanya, okwa takela omutanganwe oikondo yomadeulo omaulongelwe opaungoba  oyo ina itulwa koshivalo ikale yaidila omivelo dayo meendelelo.

Nenghwanya edi okwe dipopya pefimbo tayeulula pambelewa okalindeli komadeulo oiputudilo yomalongo omadeulo opaungoba noutchnic (TVET) 2026  osho shaningwa onghela moshilandopangelo moWindhoek.

Oshiindingili sheyululo pambelewa oshali sha kalwa kovanenenhu vadja moikondo ya yooloka yepangelo oshoyo ovadeuli osho sha unganekwa koshi yexuku ‘’nakweetwepo elunduluko olo talitungupo ounongo neshiivo lonakwiiwa’’.

Nenghwanya takunghile no kudenga omufindo kovakwateli komesho voiputudilo yomadeulo opaungoba oyo ina ishangifwa pambelewa, kutya efimbo lavo oleya pexulilo.

Omunambelewa omukulunhu tapopi nghene pefimbo eli va didilika ashike oiputudilo yomadeulo omalongo opaungoba ifike po 71 oyo yashangifwa no ku tulwa koshivalo moshilongo.

Okwati ovadeulwa vefike po 13 500, ovelishangifa moiputudilo yo TVET omo ee 55 per cent da kalelwapo kovadeulwa ovakainhu.

Poshiindingili opo tuu opo, oo eli omupedu ominsiter welongo, ovanyasha, omaudano, ounghulungu no mifyuululwakalo Dino Ballotti, okwati omadilongo aavo hava talele pedu oipudilo  TVET, no ku i talako yafa yaavo ina veshipondola meefikola okwati kashili mondjila.

Minister teshiyelifa nghene oilongo mounyuni oyo yaxuma komesho no taihangwa eliko lili pombada yatulwapo  kwaavo vena ounongo womadeulo opaungoba ndee havovo vena omikanda doulongelwe wopombada ngaashi degrees.

Minister Sanet Steenkamp moshipopiwa shaye osho shaleshwa ponele yaye, naye okwa denga omufindo nghene oshilongo shapumbwa ovanawino ovo vena eshiivo lomadeulo opaungoba opo ashike shixumife komesho oshilongo.