Ovanambelewa vehangano lomatukodila la Zimbabwe CAAZ va talelapo mo Namibia

Ehangano lomalweendo omewangadjo moshilongo (NCAA) onghela ola kwatela komesho osheendo shovanambelewa vehangano lomatukodila la Zimbabwe (CAAZ).

Etalelepo lovanambelewa vehangano lomatukodila la Zimbabwe mo Namibia ola talika lili oshitopolwa shoku talafana koiholelwa yomayakulo omatukodila elalakano oku tulapo elongelokumwe lo pamuhanga la nghonopala no ku yandja eyakulo li liwetikile moshikondo shomalweendo omatukodila.

Omukanda oo wapitifilwa oikundaneki onghela okudja kehangano lo NCAA, owati osheendo shovanambelewa vehangano lo CAAZ,  oshali sha kwatelwa komesho komunambelewa omukulunhu mehangano George Mashababe, oo alombwela oikundaneki kutya etalelepo lavo ota lilalakanene oku tala koiholelwa yomayakulo omalweendo omatukodila a Namibia nonghene omulandu wavo ha ve ulongifa.

Oo eli omunambelewa omukulunhu wehangano lo NCAA Toska Sem,  okwa tambulako nehafo osheendo shovanambelewa va Zimbabwe,  tapopi kutya oshikondo shomalweendo omewangadjo osha pumbwa eyambididafano loilyolongo oku paafana omayele nounongo opo ashike shitungepo eyokomesho.

Ovanambelewa ota kulopotwa vamona omito oku kundafana kombinga yoipambele ya faafana yomahangano omatukodila pokati koilongo yopavali, osho sha kwatelamo omayakulo outechnica, eameno lomalweendo omewangadjo, okutumbulapo ashike ishona.

Shelikwatelela komukanda oo wapitifilwa oikundaneki  owa ulika kutya,  eenghundafana oda ulika nghene oshilongo Zimbabwe shili tashi sheendifa nawa moshikondo shomatukodila naNamibia naye tadulu oku likolako oshiholelwa shiwa.