Namib Mills audaneka oku wanifapo eemumbwe dovanailonga ovo vakala veli mekangha

9 March, 2026

Ehangano lo Namib Mills ola shiivifa la pyakudukwa oku tula moilonga eudafano twokumwe oku wedela eedjabi dovainailonga no kupitika ovanailonga vashune keenele davo doilonga.

Eshi osha landula eshi oshivike shadjako ehangano lo, Namib Mills opamwe nehangano lovanailonga Namibia Revolutionary Transport and Manufacturing Union (NARETU) akala eli meenghundafana do ku potokonona oshikumungu sheewedelo leendjabi dovanailonga onghalo oyo yali ya fininika ovanailonga vakufe ombinga mekangha no kuyeeka oiyakulifo yavo.

Olopota oyo yapitifilwa oikundaneki etitano okudja kehangano, oya ulika kutya eenghundafana odakala yoo da kwatelamo ovanambelewa vo commissi moshikondo shovanailonga, oshoyo oo eli ominister youyuuki no makwatafano oilonga, Fillemon Wise Immanuel.

Ehangano momukanda tali popi nghene vahanga omaudafano twokumwe eshi oku lineekelwa no taalalakanene eyokomesho.

Momukanda ehangano lo Namib Mills ta li shiyeleke nghene lambilipalekwa ketokolo keshe olo vahanga pexulilo, kutya ota luulike eyokomesho liwa no liliwetikile tali popi nghene lelilongekida oku kufapo omainda aishe oo akala no kweeta oku hena ombili mokati kovanailonga, no vanailonga vadule yoo okushuna keenele doilonga.

Momukanda omo tuu omo, ehangano ola holola yoo nghene pefimbo lehololo madilaadilo padidilikwa ovanailonga vamwe vakufa ombinga meenghatu de kangha shiheli pamango, osho ehangano talipopi kutya oshili omatilifo no ita li shi tambulako.

Ehangano lo Namib Mills, ola ulika nghene tali ka katukila onghatu keshe omunailonga oo ali akufa ombinga meenghatu dihepamango nokweetififa omauxwapindi oku ungaunga navo, ashike ola popya nghene ovo vamonika ondjo ita vakaimba ovanailonga vakwao okwaalukila keenele doilonga.

Ehangano tali popi yoo nghene natango omivelo dalo da yuuluka efimbo keshe okuya meenghundafana kombinga yopyakadi keshe ngenge opena osho ovanailonga vewete ina shiwapala no shapumbwa ekwafelo, elalakano oku tungapo eyokomesho lehangano no kufimaneka yoo omilanduveta doshilongo.