Endiki lomaudano ota litungwa momukunda Ohaingu moshitopolwa Ohangwena

Mayor welelo lodoropa ya  Helao Nafidi Darius Shaalukeni okwati omukunda Ohaingu  tauhangwa moshikandjohoololo Engela oo watofomwa oku tungwa endiki lomaudano.

Shelikwatelela kolopota yombelewa youministy womauyelele no makwatafano (MICT Ohangwena) oyati edi Mayor, okwe dipopya pefimbo letulomoilonga lokutunga endiki lomaudano moshitopolwa.

Tapopi poshiindingili shehovelo loilonga yo kutunga endiki osho sha ningilwa momukunda Ohaingu,  osondaxa Shaalukeni, okwa popya nghene oprojeka ili eenghendabala depangelo oku yandja no kweeta elunduluko moshiwana unene kovanyasha.

Shaalukeni, metumwalaka laye olo ayandja kovakwashiwana ovo vali veya oku ninga eedobwedi detulomoilonga lendiki lomaudano okwa pula oshiwana shilididimikile oilonga,  tati ota idulu oku kala ya pula efimbo tati elalakano epangelo oku  wanifapo sho laudanekela oshiwana.

Okwa popya nghene endiki ngaashi olo lomaudano tali ka kwafela ovanyasha vahakwatwe komadilaadilo okufiyapo eenele domaushayi no kutembukila keedoropa.

Picture:MICT Ohangwena