Prime minister Eliyah Ngurare okwa shilipaleke aa Namibia kutya epangelo olya katuka onkatu oku gamenanapo eyandjaganeko lyomahooli moshilongo

Prime minister Eliyah Ngurare okwa shilipaleke aa Namibia kutya epangelo olya katuka onkatu oku gamenanapo eyandjaganeko lyomahooli moshilongo,sho pena omahilathano mo Middle east, ngoka taga vulitha geetithe epiyaganeko lyelanditho lyomahooli muuyuni.
Ngurare okwa gandja ekwashilipaleko megumbo lyopashigwana ohela,omanga ta yamukula kepulo lyomuleli gongundu yo PDM MacHenry Veenani ngoka a pula epyakudhuko lyepangelo ,ngele iikolokosha mo Middle east oya gumu okweeta omahooli moshilongo.
Veenani okwa holola eipulo kombinga yomahilathano ga kwatelamo Iran,Israel na America,ta holola kutya onkalo moshitopolwa otayi tsikile oku piyagana.
Tati aa Namibia oya hupila momahoooli haga endele mo Strait of Hormuz,ondjila ya simana mefuta ,moka hamu endele omahooli ogendji muuyuni,nokwa pula ngele epangelo olyeetapo ospan yopautekinika okutala komikalo dhilwe dhoku eta omahooli moshilongo ngele ondjila ndjoka oya kala itaayi vulu oku longithwa thilu.
Veenani ta londodha kutya iikolokosha tayi tsikile moshitopolwa otayi vulu okutula egameno lyiikwankondo ya Namibia moshiponga ngele inapa tulwa omalongekidho.
Ominista yoomina niikwankondo Modestus Amutse okwa lombwele opaalamende oshiwike sha piti kutya oshilongo oshina omahooli ga gwana uule woomwedhi ndatu,nonando oondando dhomahooli muuyuni tadhi londo omolwa omahilathano mo Middle east.