Omulunga Radio wayandja oshali shomidjalo dofikola kounona pofikola Otjaandjamwenyo Combined School

Omukulunhufikola pofikola Otjaandjamwenyo Combined School, Silas Shiningayamwe, okwati eyambidido lomindjalo dofikola dapewa ounona pofikola yavo okudja kOmulunga radio, pamwe nofitola yoPep oshili olupandu linene no tashiyandje etumba oshoyo etwomukumo koshiwana shokomongula.

Shiningayamwe, edi okwe dipopya onghela pefimbo ta tambulako omaano omidjalo dofikola danuninwa ounona veli momumbwe omindjalo odo dayandjwa oshali  okudja koRadio Omulunga radio melongelokumwe nofitola yo Pep,  osho shaningwa  onghela  mo hall yaaveshe taihangwa mendiki lomaulikilo oipindi  mOngwediva.

Shiningayamwe metumwalaka laye pefimbo ta tambulako omaano, okwati eyambidido lomindjalo dofikola dapewa ounona olili ekwafo la kula eshi vahapu vomounona pofikola yavo tati ovadja momapata apumbwa eyambidido no vakala haveya keetundi vehena omidjalo dofikola oshoyo eenghaku.

Okwati okuudite nawa teshi yelifa nghene eeyandjo leeunifom, lili edidiliko nghene oradio yOmulunga ina  efiloshisho loshiwana shokomongula  tati hakomidjalo adike ndee oshili yoo tashiyambulapo eenghalafano davo.

Omukulunhufikola tapula no kutwa omukumo ovanangeshefa moshilongo navo vakufeko oiholelwa ngaashi osho shaningilwa ofikola yaye kOmulunga radio, tapopi nghene ofikola natango yataalela eemumbwe dihapu ngaashi oikwafifolongo.

Ofikola Otjaandjamwenyo C.S, ota ihangwa 71km okudja mOutapi ina ounona vofikola vefike po 580 oshoyo ovalongi 22 ina ododo okudja poshikunino fiyo ododo 9.