Omukokele a mangwapo omolwa oku hepeka omuniilonga gwe gomegumbo gomimvo 16,omukwashigwana gwa Angola okwa thigala mokakuma

Omukokele ngoka a mangwapo metitano sho a kala noku hepeka omuniilonga gwe gomegumbo ,omukwashigwana gwa Angola ,okwa tindilwa obail sho a holoka mohofa ya Ondangwa oshikando shotango ohela.

Omunamimvo 62 Selma Daniel okwa mangwapo sho a kutu okakadhona komimvo 16 onga omuniilonga gomegumbo noku ka hepeka.

Omufekelwa,shiikwatelela ko Nampa okwa taalela iipotha yendjondjo lyaantu,okupogola oveta yetakamitho negameno lyokanona,oshowo iipotha ya yooloka  yehepeko lyokanona nokwaahaka sila oshimpwuyu, noku ka dhengga iikando ya yooloka.

Daniel okwa holoka komeho ga Mangistrata Lydia Kambonde.

Omukalelipo gwepangelo moshipotha Wisdom Ndakondja okuli ompinge nokupa omufekelwa obail manga ,molwaashoka itashi kala muuwanawa woshigwana.

Daniel okwa thigala manga mokakuma kopolisi ya Okatope,nokuulike taka ninga eindilo lyobail.

Noshipotha she oshuundulilwa ko 19 August.