O ASOLI otayi lundulukile kongundu yopapolitika opo yi vule oku kutha ombinga momahogololo gopashigwana

O Association for Localised Interest-ASOLI oya tseyitha tayi lundulukile mongundu yopapolitika,nokukala tayiithanwa Asoli Progressive Party,opo yi kuthe ombinga momahogololo gopashigwana onga omukuthi mbinga gopashigwana.

Omupresident gongundu Joseph Kuandenge okweetapo o ASOLI mu May sho a thigipo oshinakugwanithwa she shuuhamushangandjayi wongundu yo NUDO .

Ehangano olya totwapo nelalakano lyoku kutha ombinga momahogololo gomalelo goondoolopa,na inayi mona omawi ga gwana mo Windhoek nomo Swakopmund.

Kuandenge momushangwa gwiikundaneki ohela okwati elundulukilo kongundu yopapolitika otali ka tala koku yamukula iipambele yopashigwana yopaliko nkalathano peha lyoku tala ashike kiipambele yopaandoolopa.