Minister woshikondo shomonanguwi mo Iran adipawa komatanga omewangadjo a Israeli

Omatanga eameno loshilongo sha Israel okwa lopotwa adipaya vali omunambelewa wopombada woshilongo sha Iran, oo takutiwa okuli ominsiter yoshikondo shomonanguwi Esmail Khatib.

Omukanda wapitifwa koshikondo shetanga leameno la Israeli owati omatanga eameno loshilongo otaa dulu oku dipaya omupombada keshe wo Islamic republic, ngenge okwa monikila omito.

Oo eli omupresident wa Iran Masoud Pezeshkian, okwa ulika eudo nayi laye medipao la ningilwa ominister tati oshili ouvaya taulongifwa ku Israeli.

Edipao laye ola landula koshiponokela shali sha unganekwa ku US na Israeli mo 28 February, osho shali sha twaalelifa omwenyo womuwiliki wopombada mbada woshilongo  Ayatollah Ali Khamenei, oshoyo ovanambelewa vakwao voshilongo.

Efyo la Khatib oleya konima ashike yefiku limwe eshi natango shakolekwa kutya omunambelewa wopombada elilepo oshikondo shepopilo loshilongo chief Ali Larijani, osha kolekwa kutya okwa dipaelwa moshiponokela shomewangadjo shaunganekwa ku  Israeli adipawa pamwe no kamona mati.
 
 Eelopota doikundaneki odati oo eli omuPrime Minister wa Israeli  Benjamin Netanyahu, momukanda oo apitifila etanga leameno loshilongo shaye okwati okwa yandja ediminino opo etanga leameno loshilongo shaye litule konakupila keshe omunambelewa omukulunhu wopombada wa Iran, telituwa osho tati ota shipumbwa oku ningwa pehena omakateko.