President Nandi Ndaitwah apula omakwatafano elongelokumwe noilyolongo atalulwe

President Netumbo Nandi-Ndaitwah okwa pula etalulo lelongelokumwe no ilyolongo pefimbo oshilongo shadimbuluka omido 36 demanguluko.

Pefimbo tapopifa oilyo yo va nadiplomate osho sha ningilwa peumbo lepangelo molomakaya, Nandi-Ndaitwah,  okwa hokolola kombinga yonakudiwa yoshilongo oyo ya pala emanguluko loshilongo olo la etelwepo mo  21 March 1990.

Omuleli wa Namibia moshipopiwa shaye ta hepaununa omatumbulo oo apopilwe ko mukokoli woshilongo
 Sam Nujoma, oo ali ayandja eingido efiku lemanguluko kutya oshilongo oshamanguluka no shili metonatelo lovanhu vasho vene.

Okwati omapopyo omukokoli kaali ashike ongahenya, ndee okwali ahumbata eudaneko olo lali ta liyelifa nghene oshiwana sha Namibia, shina oufemba wo ku kwatela komesho onakwiiwa yasho ta shi shiningi pehena ewiliko lomukolonyeki.

Okwati edimbuluko lemanguluko loshilongo kalifi ashike etyapulo, ndee olili oshitengelelo no ku talulula koilongapondoli yo mayokomesho oyo yaetwapo noilyolongo oyo ili moukumwe wo kulongela kumwe na Namibia.

Omuleli wa Namibia, taulike olupandu laye komatumwalaka omahalelo mawa oo atuminwa oshilongo koilyolongo younyuni no kwa tofamo yoo oshilongo Nigeria, osho tati ota shitwikile no ku kalekapo oukaume wavo muwa naadi okwe di popya pefimbo tahambelele no ku kunda oo ali nale omupresident wa Nigeria Olusegun Obasanjo, oo ali eli metalelepo laye mo Namibia, onga omweenda afimana mefiku ledimbuluko lemanguluko loshilongo.