Elenga loshitunda Uukwambi tatekulu   Herman Iipumbu, apandula omupresident Netumbo Nandi Ndaitwah

Omukwateli komesho welelo loshitunda shomufyuululwakalo Uukwambi ,Elenga tatekulu  Herman Iipumbu, okwa kufilako embale omuleli woshilongo  Netumbo Nandi-Ndaitwah, eshi atulapo omalongekido elikalekelwa neudo, oku dimbuluka etyapulo lemanguluko loshilongo olo la dimbulukilwa moitopolwa aishe 14 yoshilongo.

 Tapopi poshiindingili shetyapulo lemanguluko loshilongo pokapale komaudano ko Independence Stadium mo Oshakati olomakaya, elenga tatekulu Iipumbu, okwati etokolo lakufwa komupresident woshilongo ola pupaleka oshiwana ashishe shimone omito neudo oku tyapula emanguluko loshilongo osho tati ina shiningwamo nale mondjokonona yaNamibia.

Okwati monakudiwa oshiwana oshakala shina oudjuu wo kufika poyiindingili yopashiwana eshi luhapu iha shidulu okufikako omolwo oulikule tati neudo keshe umwe okwa mona omito oku tyapula omolwo omafaneko oo atulwapo komupresident opo omalongekido aningilwe oitopolwa aishe.

Tatekulu elenga oo yoo  eli omunashipundi womalelo omifyuululwakalo omihoko dovawambo eli 8 konooli yoshilongo, okwa denga omufindo kutya efiku ledimbuluko lemanguluko loshilongo olili ondjokonona  ta i vadimbulukifa nghene omukokoli woshilongo Sam Nujoma aanifililwe oshinakuwanifwa shaye onga omupresident wo tete mo 1990.
 
 Nande ongaho tatekulu elenga taulike oku hena ombili kwaye kombinga yo vanyasha ovo tati ovena omumbwe neshiivo londjokonona yemanguluko loshilongo no kwa denga omufindo nghene shafimana kepangelo litwe omufindo momalongopukululo oo tayandje ondjokonona yoshilongo kovanyasha.

Elenga Ipumbu, okwa ulika olupandu laye kemanguluko olo lili moshilongo paife, ta hokolola nghene  pefimbo linya ovanhu moshilongo vahali vamanguluka okweenda efimbo keshe olo va hala,  omolwo oungedjo vomaufiku ovo vali hava tulwapo onghalo oyo tati oyali yoo haifininike ovanhu valye omauvalelo omanga etango inaliningina.