Namibia atula moilonga omulandu wo CRVS

Namibia okwa tula moilonga omulandu wopamalungula wo ku diidlika omuvalu wounona ovo tava dalwa moipangalo oshoyo natango omulandu wo ku tuvikila  omaueyelele opambelewa enasha no maukwatya oshiwana moshilongo  CRVS

Oshiingili shetulomoilonga lomulandu osha ningilwa mo Windhoek, ota kulopotwa shali yoo shakalwa kovanambelewa okudja ko Botswana, Senegal na Ethiopia ovo vali veya oku tala nghene Namibia. te sheendifa no mulandu upe wopamalungula .

Tapopi pefimbo loshiindingili oo eli ominister yoikwameni no matembu   Lucia Iipumbu, okwa denga omufindo nghene shafimana oku tulapo elongelokumwe moikondo yepangelo  oku kwashilipaleka kutya okanona keshe taka dalwa mo Namibia oka shangifwa momulandu wopamalungula no ku kalekapo eameno lako  okudja pedalo.

Okwa popya yoo nghene omulandu weshangifo loukwatya woshiwana uli odjo yakula komayambulepo oshiwana, oku kalekapo eameno  no ku kwashilipaleka yoo eyandjo lomayakulo lakwatelamo aveshe.

Pefimbo loshiindingili oo Dr. Landry Tsague, eli omunambelewa omukulunhu moshikondo sho Center for Primary Health Care at Africa CDC, okwa longifa omito oku pupula  Namibia, kombuda eshi akatuka onghatu ya fimana okutula omulandu oo moilonga

Okwa denga omufindo nghene Namibia taulike ena ewiliko lina eenghono nolelitulamo mokweeta elunduluko lopamufika wopashinanena.

Omupopi afimana poshiindingili, oyoo eli ominsiter yonghalo nawa no udjolowele   Dr. Esperance Luvindao, apopya nghene epangelo la   Namibia lina oshisho oku yandja ekwafo louhaku koshiwana no kweeta yoo elunduluko letungululo moshikondo shouhaku.