Uuministeli wuunamapya,omeya nomatulululo gomavi owa kindjika ekondololo lyokoongamba oku keelela einyengo lyiimuna moshilongo shaali paveta oku keelela omukithi gwekondo nelaka

Uuministeli wuunamapya,omeya nomatulululo gomavi owa yambulapo oku hadha iiyenditho oshowo ekondololo lyokoongamba, oku keelela einyengo lyaali paveta lyiimuna ,sha landula ondjindikila yokweeta iilongomwa okuza ko Bostwana.

Ondjindikila ya tulwapo mo 11 March otayi lalakanene okuyamukula konkalo yomukithi gwekondo nelaka moshitopolwa.

Omupopiliko guuministeli Romeo Muyunda moonkundathana dhoka a ningile no Nampa okwati oospan dhaanambelelwa yuuhaku wiimuna odhili koongamba tadhi patolola, oku shilipaleka eiyutho lyoondjindikila.

Muyunda ta hokolola kutya omalandithilo go EU na China ngoka  Namibia ha tumine iilongomwa kutya oga simana.

Uuministeli tawiindiile aanafalama yiimuna yiiyuthe komilandu dha tulwapo oshowo oondjindikila shinasha neinyengo lyiimuna niilongomwa yawo.