Russia a gandja omahooli ku Cuba ngoka a taalela ondjindikila ya America yomahooli

A cuba oya nyanukilwa noku hambelela omahooli okuza ku Russia,sho tulilwamo ondjindikila yokweeta omahooli moshilongo ku America.

Otenga yomahooli ya Russia oya thiki mo Cuba,nokweeta epupaleko koshikele shiikwankondo moshilongoo shoka tashi nayipala.

Oskepa yedhina Anatoly Kolodkin oya thiki ketuliloskepa lya Matanzas, ya humbata oobaalili dhomahooli dha thika 730 000,omahooli gotango taga thiki moshilongo moomwedhi ndatu.

Epangelo lyomupresident gwa America olya pitika omahooli ga falwe moshilongo,nonando pena ekondeko lyiikwankondo,tali gandja etompelo lyomakwatho gomeendelelo.

Onzonkundana yo Africa news oya lopota kutya Cuba okwa kala a taalela ompumbwe yomahooli ,noku etitha oondhima dholusheno nompumbwe yiikulya nomiti,sho oshilongo hashi nduluka ashike oo % 40 dhoompumbwe dhasho dhomahooli.

Aanambelewa oyati omahooli otaga ka pupaleka oshikele,noku gandja omahooli go diesel ga gwana omasiku sigo 10.

Aakwashigwana oya tyapula egandjo lyomahooli,tayeli hokolola kutya olili edhidhiliko lyepupaleko pethimbo ndyoka edhigu ya taalela.