Etanga leameno la South Africa la adjakanekelwa moitopolwa imwepo yoshilongo oku kelela oimbuluma

Etanga leameno loshilongo South Africa okwa lopotwa la adjakaneka pambelewa ovakwaita moitopolwa yay ooloka yoshilongo shili eenghendabala doku kwafela opolifi yoshilongo oku kondeka onghalo yoimbuluma meenele dili moupyakadi.

OmuPresident Cyril Ramaphosa,  kuyele neudo okwali ayandja eingido kutya ovakwaita voshilongo vefike po 2,200 ota vaka adjakanekelwa moitopolwa ili 5 yoshilongo oyo yadidilikwa oimbuluma ili pombada.

Omalelo oshilongo osho okwati ovakwaita okwa teelelika vaka kufe ombinga moshinyangadalwa shoushava oule wodula aishe, shili eenghendabala doku ninipaleka oimbuluma.

Ota kulopotwa onghalo yelafululo leemina shiheli pamango oshoyo eengudu dominyonena, osho unene  oupyakadi moshilongo.

Shelikwatelela kolopota yoimbuluma oyo opo yapitifwa ya didilikwa pokati kohani October na December 2025, oya ulika kutya omuvalu wovanhu vali vefike po  71  ova dipawa efiku keshe.

Olopota oyati ovakwaita ota va monika meenele da yooloka doshitopolwa sha  Gauteng omo mwakwatelwa ngaashi Johannesburg, Eastern Cape, Free State, North West oshoyo Western Cape.