United States  na Iran vatwa kumwe opo kukale kwa yeekwa oilwifo oule woivike ili 2 

 Oshilongo United States  na Iran okwa lopotwa yatwa kumwe opo kukale kwa yeekwa oilwifo oule woivike ili 2  shaningwa ashike konima yomafiku mashona oku hanga kwali efiku laxuuninwa olo lali latulwapo koPresident Donald Trump oku ponokela Iran.

Eelopota odati , onga oshitopolwa sheudafano Iran, ota kakala apatulula oupitilo wondjila yefuta ya Strait of Hormuz.
 
 Eelopota odati oilongo aishe paife ota ilitade kutya oyo ya findanapo onghalo yomakuyunguto oyo ya etififa enghundipalo momalandifilo oilongo mounyuni no kweetififa omawedelo eli pombada omahooli.

President Trump pefimbo tapopi noikundaneki okwati etwokumwo olo vatulapo olili efindano lakula ku US.

 Iran naye ote litade kutya okuli omufindani tapopi kutya okwa ninga etokolo loku twakumwe na Washington  okudja meenghundafana odo da hovelele etitano daningilwa mo  Pakistan, shili olweendo loku xulifapo omakuyunguto.

White House taipopi kutya oshilongo Israel nasho osha dimina oku yeeka oilwifo ashike oo eli omuprima woshilongo  Benjamin Netanyahu, okwati etokolo ina likwatelamo  Lebanon, pefimbo  Israeli  tatwikile noku nyamukula komalwoodi  oikuti oyo taipewa eyambidido ku Iran, takutiwa onghalo oya twaalelifa eemwenyo dovanhu vedulife 1,500 ngaashi shili palopota yomalelo a  Lebanon