Ooskola dha gumwa komafundja mo Kabbe South dha tembudhilwa kuukutu

Iilonga yoku longa oya tameke kooskola dhoka dhili komahala ga taalela omafundja moshikandjohololo sha Kabbe South mo Zambezi ,sha landula oshikonga tulululo shoka sheenda nawa mehulilo shiwike lya paasa.

Omukuluntu gwelongo moshitopolwa Zambezi Alex Sikume okwa koleke kutya ooskola dhoka kwali dha thiminikwa dhi pate omolwa oondjele dhomeya ngaashingeyi otadhi longo okuza komahala gawo omape gopakathimbo.

Sikume moonkundathana a ningi no Nampa okwa hokolola oshikumungu tulululo kutya okwali oshidhigu,ashike osheenda nawa.

Tati ongula yetitali,aalongwa oya tameka nale oku longwa mootenda dhopakathimbo.

O Nankuntwe Combined School,Mpukano Primary School, na Muzii Combined School odha tembudhwa sho omafundja geshi dhigupalele oku thika kooskola.

Kohi yelongekidho epe,o Muzii Combined school ngaashingeyi oyili ko Lusese omanga Mpukano Primary yili ko Kabe,oo Km hanga 30 okuza po Luhonono.

O Nankutwe Combined school oya falwa ontenga ko Schuckmannsburg Combined school,oshinano shoo metre oonshona okuza po Luhonono.