Ewiliko lyongundu yo IPC lya talelepo Prime minister

Prime minister Eliyah Ngurare ohela okwali a tsakanene naaleli yopombanda yongundu yo IPC moonkundathana dhopamuthika gopombanda tadhi lalakanene oku nkondopeka oonkundathana pokati kepangelo nompilameno.

Osheendo sho IPC,sha kwatelwa komeho ku amushangandjayi Chritsine !Aochomus osha kwatelemo omupopiliko nomuleli gongundu mopaalamende Imms Nashinge,no Chief whip yongundu Rodrick Liwela Likando.

Oonkundathana odha tala kiipambele ya simana yopashigwana ngaashi okwaahena iilonga,enkondopeko lyaagundjuka,egandjo lyomayakulo,okwaahena uuyuki mekutomiilonga,okulonga komalelo goondoolopa nonkatu ya Namibia mopolitika yopauyuni.

Aaleli yo IPC taya tumbaleke omukalo wiliko gomupresident na Prime minister ,ngoka yati ogwa eguluka,noku holola ohokwe okuyambidhidha iiyetwapo mbyoka tayi humitha komeho uuwanawa woshilongo.

Ngurare ta taambako esheko tali tungu ,noku dhenga omuthindo esimano lyelongelokumwe mokati koongundhu dhoopolitika oku nawapaleka epangelo negandjo lyomayakulo.