iilonga yoku tunga endiki lyo NATIS mo Wanahenda yayi kolutenda

Iilonga yoku tunga endiki lyo NATIS One- Stop centre mo Wanahenda oya tameke nena.

Endiki otali ka gandja omayakulo kaakalimo yomo Katutura nopomudhingoloko.

Ta popi poshituthi shoku dhika ondhopi,ominista yiilonga niiyenditho Veikko Nekundi okwati opololeka oyili oshitopolwa sheitulemo lyepangelo oku nawapaleka egandjo lyomayakulo nokweeta omayakulo pooha niigwana.

Endiki lya Wanahenda otali ka gandja omayakulo go learner licence,driver testing,o roadworthy yiiyenditho ayihe ,oshowo omayakulo goo permit.

Iilonga yoku tunga oya pewa endiki lyo August 26 Construction.

Minister ta holola wo oompangela okuyambulapo omandiki galwe go NATIS moondoolopa dhilwe ngaashi Ombaye,Orangemund,Oshakati,Nkurenkuru na Mariental onga oshitopolwa shopolohalama onene okutula pashinanena omulandu go NATIS, noku nawapaleka egandjo lyomayakulo moshilongo ashihe.