Eliko la Namibia taluulike tali li tumbupo

Eliko la Namibia ota luulike lelitumbapo nee  2.6 per cent mo 2026, omanga natango mo 2027 kwafanekwa likelitumbepo okuya pee 2.9 per cent  ngaashi shili palopota yokuyele oyo ya xwatununwa kombaanga yoshilongo.

Momukanda oo watuminwa oikundaneki onghela, okudja

kombaanga yoshilongo owaulika kutya eliko loshilongo ota luulike lelitumbapo okudja pee  1.7  opo lali lafikama mo 2025 no taluulike natango omundilo welunduluko liwa momido twa taalela,  eshi pefimbo eli lafikama pee  2.6 per cent  2026,  omanga oku hondamena  moshikola sho mo 2027 taluulike talikafikama pee 2.9.

 Shelikwatelela komukanda owa ulika yoo kutya oikondo oyo ikwetelepo eyokomesho leliko oya kwatelamo unene ngaashi oshikondo shomatungo, olusheno no meva, oshikondo shoipindi, oshikondo shomayakulo oiniwe oshoyo omayakulo epangelo.

Oilongomwa yeemina do Uranium, oyo unene yatalika oyo odjo ikwetele komesho edjekepo leyokomesho leliko loshilongo taikwafelwa koilongomwa ikwao yokwamina oyo haidulukwapo moshilongo.

 Nande ongaho ombaanga yoshilongo oya ulika yoo elikwatopomutima kashona taiti onakwiiwa hayo naana taidulu okulitangelwa okashila, omolwo omaupyakadi oo hadulu oku holoka moshilongo osho sha kwatelamo etukuko lomikifi doimuna oshoyo omashongo akwao opaliko okuhena engungumano  adidilikwa moilyolongo younyuni.