insert_link Oshiwambo Ewiliko epe lyoshiputudhilo sho Namibian Institute of Mining and Technology-NIMT olya tulwa miilonga kominista yelongo Sanet Steenkamp metiyali Ewiliko epe lyoshiputudhilo sho Namibian Institute of Mining and Technology-NIMT, ndyoka lya pewa oshinakugwanithwa shoku etitha engungumano noku nkondopeka omulandu tagu pangele oshiputudhilo olya tulwa miilonga kominista yelongo Sanet Steenkamp metiyali. Ewiliko,lyuulikwa tango mo 15 Sept nuumvo olina oshinakugwanithwa shoku talela oshiputudhilo ,shoka hashi dhana onkandangala meyambulepo lyowino yoshilongo,unene moomina,uu engineering,oshowo omadheulo miikwa fabrika. Oku gwedha komunashipundi Lisho Mundia,ewiliko olya kwatelamo omupevi nashipundi Brumilda Britz,opamwe niilyo yilwe,Gabriel Schneider,Ralph Bussel,Presley Kamuvi,Nahum […] today17 December, 2025
insert_link Oshiwambo Okamonamati ko director yo Hollywood Rob Reiner ,otaka ka taalela iipotha iyali yedhipago ,omolwa edhipago lyaakuluntu yako Okamonamati ko director yo Hollywood Rob Reiner ,otaka ka taalela iipotha iyali yedhipago ,omolwa edhipago lyaakuluntu yako,shiikwatelela komutamaneki omukuluntu gwa Los Angeles ohela. Nick Reiner gomimvo 32 ngoka ena ondjokonona yelongitho lyiingangamithi omanga kwali omushona elela,otashi vulika a taalela egeelo lyeso,ngele okwa monika ondjo yomadhipago,shiikwatelela ku District Attorney Nathan Hochman. Nokwa taalela wo efekelo lyowina kutya okwa longitha oshilongitho sha nika oshiponga noshidhipagi,shili ombele, Omutamaneki,shiikwatelela konzonkundana yo AFP okwati iipotha […] today17 December, 2025
insert_link Oshiwambo Uuministeli welongo owa kondema oshiningwanima moka omulongiskola a hepehe paihulo aamati ko Wilhelm Nortier Primary school Uuministeli welongo owa kondema oshiningwanima moka omulongiskola a hepehe paihulo aamati ko Wilhelm Nortier Primary school ko Grooftontein moshitopolwa Otjozondjupa. Uuministeli momushangwa gomandaaha owati owa nongele oshiningwanima sha kwatelamo aamati koskola,nokushi hokolola kutya omaihumbato goshimbuluma oshinene. Uuministeli tawu kondema oshiningwanima,nowati otau ka longelela kumwe nomahangano gooveta oku shiilipaleka kutya omulongiskola ngoka okwa taalela oveta. Shiikwatelela komushangwa,omulongiskola okwa mangwwapo nokuli momakuma kopolisi,nomakonakono poskola otaga tsikile,nonando omulongiskola ngoka a gandja omukanda okuza […] today17 December, 2025
insert_link Oshiwambo Ehangano lyoo bus noo taxi olya londodha aahingi yiiyenditho yoshigwana yaaha pule aafalelwa oshimaliwa sha piitilila pethimbo lyomatango omanene Amushangandjayi gwehangano Pendapala Nakathingo okwati okupula aafalelwa oshimaliwa shi vulithe pwaashoka sha ziminwa epogolo tali vulu oku geelewa,notashi vulitha aahingi nenge ooyene yiiyenditho ya kanithe oo permits dhawo. Tati oku pula oshimaliwa sha piitilila ohashi holoka unene ngele pena aafalelwa oyendji,mboka ya hala okuya komahala nomahala. Nakathingo tiindiile aahingi naafalelwa ya landule iifuta mbyoka ya tulwapo. today17 December, 2025
insert_link Oshiwambo CAR otaka ninga omahogololo mo 28 December nuumvo Omalongekidho ogomahogololo gopashigwana mo CAR geli ko mo 28 omwedhi nguka otaga ende nawa,niilongitho yomahogololo ya simana ya thiki moshilandopangelo Bangui. Ombaapila dhomahogololo oo ton 96,nomikanda dhilwe dhopambelewa oya thiki mo 15 omwedhi nguka,noku gandjwa ko National Elections Authority payambidhidho lyiigwana ya hangana. O Africa news oya lopota kutya aanambelewa oyati oombaapila niilongitho otayi ka topolelwa moshilongo ashihe payambidhidho lyetumo lyiigwana ya hangana o MINUSCA,noku shilipaleka kutya kehe omahala gomuushayi […] today17 December, 2025
insert_link Oshiwambo Ehangano lyuundjolowele muuyuni omandaaha olya gandja oodola oomilion 2.1 okuyambidhidha oshikonga shotuntila yo Polio ko Rundu Oshikonga yamukulo sho polio osha tamekithwa miitopolwa iyali ya Kavango,nokwa tegelelwa shiye sigo o 18 omwedhi nguka,ano ongula. O News OnOne oya lopota kutya uuministeli wuuhaku owa tameke noku gandja o Novel oral polio Vaccine type 2,oku kaleka etaaandelo ,noku keelela omatukuko go type2 poliovirus. Kamusela gwa Rundu yomoondoolopa Stephanus Sinonge okwati ombuto ohayi kwata unene aanona yokohi yoomvula 10,inaashi tala kondjokonona yawo yoku tuntilwa. Ta popi peha lyomukuluntu gwehangano […] today17 December, 2025
insert_link Oshiwambo Ngoloneya gwa Oshikoto okwiindiile omaihumbato omawanawa kaalongithi ayehe yoondjila Ngoloneya goshitopolwa shaShikoto Sacky Kathindi okwa indile aalongithi yoondjila yiiyuthe koompango nokooveta dhomoondjila, opo ku yandwe iiponga. Moonkundathana niikundaneki Kathindi okwa tseyitha oshitopolwa sha lopota omwaalu gwiiponga oyindji, moka tati omwa kanithila oomwenyo dhaantu oyendji na yamwe ya lemanekwa. today17 December, 2025
insert_link Oshiwambo Iiponokela kooskepa ndatu taku hokololwa dhoku ndjondja iingangamithi muuzilo wefuta lya Pacific oya dhipaga aantu ya 8 ohela Iiponokela kooskepa ndatu taku hokololwa dhoku ndjondja iingangamithi muuzilo wefuta lya Pacific oya dhipaga aantu ya 8 ohela,shiikwatelela ketanga lyopakwiita lya America,moshikonga shongaashingeyi shomiikonga tayi hilathanwa mbyoka ya dhipaga aantu oyendji. Okuza mu Sept,etanga lyopakwiita lya America kohi yomukuluntu go Pentagon Pete Hegseth olya kala noku odheka oombautu tadhi ndjondjo iingangamithi mo Caribbean sea nomuutokelo wefuta lya Pacific,noku hanagulapo ooskepa 26 noku dhipaga aantu ya thika 95. O US Southern […] today16 December, 2025
insert_link Oshiwambo Oskepa ya Germany yomapekapeko yedhina Polarstern oya yambuka kOmbaye ya thinda ko Antarctica medhingoloko lyayo etiyali lyetumo lyopaunongononi Oskepan ya humbata aanongononi 31 okuza kiilongo 24 naalongiskola 11,otayi nongonona omalunduluko moonkalo dhomefuta,mwa kwatelwa onkalamwenyo yomefuta nomitholomo dhomeya. Oskepa oya tameke nolweendo lwayo ko Germany mu November,notayi ningi omapekapeko gonkalo yombepo nogomefuta muuyuni. today16 December, 2025
