play_arrow

keyboard_arrow_right

Listeners:

Top listeners:

skip_previous skip_next
00:00 00:00
playlist_play chevron_left
volume_up
Go to album
  • play_arrow

    Josia Shigwedha

  • play_arrow

    Josia Shigwedha

Selma Nangolo

2303 Results / Page 67 of 256

insert_link

Oshiwambo

Omuleli go LPM Bernadus Swaartbooi okwiindiile aanipambuliko ayehe ya hangane noku keelela iiponga yomoondjila noku ninga Namibia ena oondjila dhina egameno

O Nampa oya lopota kutya eindilo lye olya landula oshiponga pooha na Malinda shoka sha faalele oomwenyo dhaantu 16 ehulilo shiwike lya piti. Moonkundathana no Nampa,Swaartbooi okwa dhenge omuthindo kutya omunashipambuliko kehe okuna onkandangala oku dhana oku shilipaleka egameno kaalongithi ayehe yoondjila. Tiindiile omalelo niigwana yi kalekepo egameno lyomoondjila,noku longathana oshisho shomoondjila. Oshiponga osha holoka sho ohauto yoshikondo shoodholongo nomanzulonkalo kwaliyuuka kodholongo ya Malinda,omanga ohauto yopolisi kwali ya humbata aakwashigwana […]

today8 September, 2025

insert_link

Oshiwambo

Ongundu yo   Independent Patriots for Change (IPC) oya kondema ominista yeyambulepo lyokomikunda noondolopa James Sankwasa  okuulika Marina Kandumbu onga omweendithi gwelelo lyondoolopa ya Katima Mulilo pakathimbo

Euliko lye lya tameke mu 01 omwedhi nguka  olya landula sho minister a tidha ookamusela yelelo lyondoolopa mu August omolwa ewiliko pambambo. O Nampa oya lopota kutya o IPC oyati euliko lye otali pataneke onkatu yepangelo ngele tashiya kokwaahalonga nuuyuki,tayi holola kutya momumvo 2014 Kandumbu okwali a taalela iipotha ya yooloka yokwaahalonga nuuyuki yiimanga koku thithitha egumbo lyepangelo. Ongundu ye oyati euliko lye otali dhini epangelo ewanawa ,noku sheka okomisi […]

today8 September, 2025

insert_link

Oshiwambo

o Namibia Civil Aviation Authority oya londodha aalongithi yoo drone oku dhi tukitha momahala giindikwa

O Namibia Civil aviation Authority oya londodha aalongithi yoo drone okudhi longitha nenge okudhi tukitha momahala goshigwana ga indikwa,tayi holola eindjipalo lyiiningwanima yuuhasha yelongitho lyoo drone pooha nuupale woodhila,ookamba dhopakwiita,iikunino yopashigwana nomahala galwe giindiikwa. O NCAA momushangwa gohela tayi londodha kutya iinyangadhalwa mbyoka itayi tula ashike moshiponga iilonga yaahingi yoodhila,ashike oyili wo oshiponga kegameno lyoshigwana nolyopashigwana. Olutu halu kondolola uupale woodhila moshilongo taluti otalu tsikile okuyakula omanyenyeto goo drone tadhi […]

today8 September, 2025

insert_link

Oshiwambo

Omukalelipo shilongo gwa Venezuela mo Namibia Magaly Henriquez okwiindiile oshigwana shomuuyuni shi yambidhidhe uuna diplomate peha lyoku ikondjitha,sho omahilathano na America taga tsikile

Moonkundathana no Nampa mo Windhoek,Henriquez okwa tindi omalundilo ga America taga kwatakanitha omupresident Nicolas Maduro kendjondjo lyiingangamithi,tega ithana kutya ogeli iifundja oku popila eidhopemo noku kwatako oonzo dha  Venezuela. Washington okwa tula po oodola oomilion dha America 50 onga olupandu oku kwata  Maduro,noku tuma nooskepa dhiita pooha nomeya ga Venezuela. Henriquez tati Venezuela ita ethapo oonkundathana,nonando pena shoka a hokolola kutya oonkatu dhuuhandadhi ku America. Ta dhenge omuthindo kutya oshilongo […]

today5 September, 2025

insert_link

Oshiwambo

Prime minister Elijah Ngurare ohela okwa patulula pambelewa omauliko giipindi omati 17th go Okakarara Trade fair,ngoka ga tameke omandaaha.

Ngurare moshipopiwa she okwa tumbaleke ekoko tali tsikile lyomauliko giipindi ga Okakarara,tati omauliko ngaashingeyi ogeli ponomola ontiyali ngele tashiya  kokuunganekwa nawa noku kuthwa ombinga nawa moshilongo,ga landula omauliko giipindi ga Ongwediva. Tati okwa nyanyukwa oku mona omauliko ngoka ga totwapo mo 2006 taga tsikile oku koka,noku iyambulapo okuya medhidhiliko lyenkondopeko lyaanafalama yiimuna moshitopolwa. Omauliko giipindi ga Okakarara ogeli kohi yehuku: ‘Digital evolution and transforming businesses in the digital age', Ngoloneya […]

today5 September, 2025

insert_link

Oshiwambo

Omupresident gwa Russia Vladmir Putin okwa londodha kutya kehe aakwiita yomuutokelo taaka tuminwa mo Ukraine otaaka odheka ku Moscow

Ta popi momutumba gopaliko mo Vladivostok,Putin okwa yamukula ketseyitho lyomupresident Emmanuel Macron kutya iilongo 26 oyuuvaneka omashilipaleko gegameno lya Ukraine konima yiita ,ngoka tagaka kwatelamo aakwiita yopashigwana pevi,mefuta nomewangandjo. Putin okwati etumo lyaakwiita otali kala lya nathangwa ngele ombili oyaadhika,ashike pethimbo lyiikonga yopakwiita,okwati aakwiita yomuutokelo otaaka hanagulwapo. Onzonkundana yo Reuters oya lopota kutya elondodho olya holola omaiuvo ga yooloka pokati ka Moscow nookume ka Kyviv monakuyiwa yomalongekidho gegameno. France na […]

today5 September, 2025

insert_link

Oshiwambo

O PSUN ya gandja ombeedhi kooveta dhiilonga dha kwisha dhoka tadhi etitha oonkalo dhiilonga dhaahena egameno

O Public Service Union of Namibia oya gandja ombedhi kooveta dhiilonga dha kwisha ,dhoka dha kutha wo ombinga moonkalo dhiilonga dhaaahena egameno,unene o Labour Act yomumvo 2007,ndjoka ya patela pondje iilyo yopolisi nomandiki goodholongo komagameno gawo. Amushanga ndjayi gokomisi Ndjizuvee Haakuria moku yamukula koshiponga shongaashingeyi shiiyenditho  shoka sha faalele oomwenyo dhanambelewa yoodholongo noyopolisi yeli 14 naakwashigwana yaali ko Malinda okwati,aanilonga ngeno okwali yena uuthemba   oku wayimina omahangano gaanilonga,ngeno oya oyiikundilwa […]

today5 September, 2025

insert_link

Oshiwambo

Ominista yemona Ericah Shafudah okwa dhenge omuthindo kutya ekwatelemo lyopashimaliwa olya simana moku shonopeka okwaaha thike pamwe noku tunga uuyamba tawu topolwa

Ta popi peegululo lyomutumba gonuumvo go Alliance for Financial Inclusion Global Policy Forum ko Swakopmund nena,Shafudah okwati Namibia okwaadha epondolo lina oonkondo,noo % 78 dhaakuluntu yena ompito yomayakulo gopashimaliwa,ondjele yaya pombanda noo % 51 oomvula 10 dha piti. Ta tumbaleke omalundululo ngaashi iiyetwapo yopashimaliwa hayi tembuka,ashike okwa londodha kutya oo % 22 dhaa Namibia,unene aakiintu,aagundjuka,niigwana yomuushayi onkee ya patelwa pondje. Aakuthimbinga ya konda 800,mwa kwatelwa oongoloneya yoombanga dhopokati ya konda […]

today4 September, 2025

insert_link

Oshiwambo

Omidhimba dhaantu 8 mboka ya hulithile moshiponga shiiyenditho pooha na Malinda nena odha tuminwa kiitopolwa yokonooli yoshilongo ya yooloka,oku longekidha omafumbiko gawo

Ta popi no NewsOnOne,omunambelewa okuza moshikondo shoodholongo nomanzulo Dep Comm Ndeyapo Nafuka okwati ya 8 otaaka fumbikwa molyomakaya. Nafuka ta gwedhako kutya onkee ya tegelela aapambele yoonakusa yalwe yane ya ninge omalongekidho gomafumbiko,opo omidhimba dhawo dhi falwe kiitopolwa hoka tadhi ka fumbikwa. Aanmbelewa yoshikondo shoodholongo nomanzulonkalo oya hulithile moshiponga pokati ka Malinda-Kalkrand shoka sha faalele wo oomwenyo dhaanambelewa yaali yopolisi,naakwashigwana yaali.

today4 September, 2025