insert_link OshiwamboOshitopolwa shimwe shondjila yo Dr Hage Geingob Freeway oya patulukila oshigwana O Roads Authority ohela oya tseyitha ya patulula oshitopolwa shimwe ,o Phase 2A no 2B shondjila Dr Hage Geingob Freeway,kwali hayiithwa Windhoek-Hosea Kutako International Airport Road. Omukuluntu wiliki go RA Conrand Lutombi momutumba gwiiikundaneki okwati iilonga yahugunina oya tegelelwa yi kale ya manithwa koshitopolwa shuutokelo wondjila omwedhi nguka. Tati o freeway otayi ka nawapaleka ekwatakanitho,tayi pupaleke eudhakano lyoondjila noku kutha ombinga mekoko lyeliko yoshilongo. Tati ondjila kayishi ashike ekwatathano,ashike oyili […] today9 September, 2025
insert_link OshiwamboOmupopi gopalamende ya Namibia Dr Saara Kuugongelwa Amadhila okweendulula eindilo lya Namibia opo Cuba a kuthwemo momusholondondo gwa America gwiilongo tayi yambidhidha uukulo Ta popi pethimbo a talelwapo komukalelipo shilongo gwa Cuba Sergio de la Uz ,Kuugongelwa Amadhila okwati Namibia ota kondema omukalo Cuba tiihumbatelwa,ta gwedhako kutya Namibia onkee a pandula Cuba omolwa onkandangala ye pethimbo lyekondjelomanguluko nuukumwe we nenge uukwa wanankali niilongo mbyoka tayi thindilwa kongudhi muuyuni auhe. Ta dhenge omuthindo kutya Cuba na tumbalekwe,ashike ina geelwa,omolwa oku yambidhidha aantu pethimbo yeli muudhigu. Kuugongelwa Amadhila ta shilipaleke eyambidhidho lya Namibia tali tsikile […] today9 September, 2025
insert_link OshiwamboOmukuluntu gopolisi yoshilongo Lieutenant General Joseph Shikongo ohela okwa tamekitha Operation Katjavivi mo Opuwo moshitopolwa Kunene Oshikonga sha tameke oshiwike sha piti otashiyi sigo opehulilo lya Sept,notashi lalakanene okuyela einekelo pokati komahangano gooveta noshigwana,noku yambulapo wo egameno moshitopolwa Kunene oshowo pomidhingoloko. Sha lukilwa ngoka ta thigipo onkatu yuukomanda gopolisi moshitopolwa James Katjavivi Nderura,oshikonga oshili oshitopolwa shomaitulemo gopolisi oku gamena oomwenyo,omaliko nesimaneko lyaantu. ta popi petamekitho,Shikongo okwati oshikonga kashishi ashike opolisi,ashike oshili eindilo lyonkatu tayi lalakanene okutunga einekelo nelongelokumwe pokati komahangano gooveta noshigwana moka taya longele. today9 September, 2025
insert_link OshiwamboOpolohalama yoondya miigwana ya hangana O WFP no British High Commission oya talelepo omukunda Iikokola moshitopolwa Oshikoto okutala epondolo lyoopololeka dhiikulya Omushangwa okuza mo WFP ohela ogwati etalelepo okwali lya lalakanene oku tala nkene osheetwapo shoka hashi yambidhidha oskola naanafalama moshitopolwa ,tashi kwathele oku nawapaleka egameno lyoondya. O Nampa oya lopota kutya opololeka oya tameke mo 2023 neyambidhidho lyo WFP lyo Integrated Food Systems Project ko Matheus Nashandi Combined shchool. Opololeka ohayi yambidhidha opolohalama yoskola yoku tekula aanona paku pa aalongwa niikulya yina iitungilutu,nokuya longa uunafalama. today9 September, 2025
OshiwamboAaleli yo BRICS oya hangana oku kondjitha omahilathano giipindi muuyuni ,niifuta yiipindi ya gwedhwako ya America Ohela omupresident gwa Russia Vladmir Putin okwa wayimine omutumna gwa gwedhwapo go BRICS pa video,momutumba gopaungomba guunganekwa ku Brazil oku yamukula komaipulo gopauyuni taga koko omolwa iihohela yiipindi yomupresident gwa America. Shiikwatelela ku Russia,aaleli yo BRICS oyiikundu oku tanununamo elongelokumwe lyiipindi,emona,omapungulo nayilwe oyindji,omanga ya taalela okwaahena engungumano meliko lyopauyuni. Iihohela ya gwedhwa kiipindi yomupresident gwa America oyiinyengitha omalandithilo,noku etitha uutile welondo lyoondando nekoko tali ende kashona. Omupresident gwa China Xi […] today9 September, 2025
insert_link OshiwamboAmbassodor Penda Naanda a tsakanene nomukuluntu gwiigwana ya hangana Antonio Guterres Amb Penda Naanda omukalelipo shilongo kiigwana ya hangana ohela okwa gandja omukanda pitikilo gwiilonga ye komukuluntu gwiigwana ya hangana Antonio Guterres. Amb Naanda,ta pandula amushangandjayi omolwa omaitulemo ge oku yela noku gamena ombili yopashigana negameno,ehumokomeho nuthemba womuntu,ta dhenge omuthindo kutya amushangandjayi okuna eyambidhidho lya Namibia lyuudha miilalakanenwa ye okutula miilonga oshinakugwanithwa shiigwana ya hangana. today9 September, 2025
insert_link OshiwamboOsheendo sho SASSCAL ohela osha talelepo omu prime minister Ngurare Osheendo okuza moSouthern African Science Service Centre for Climate Change and Adaptive Land Management (SASSCAL),sha kwatelwa komeho komukuluntu wiliki opo uulikwa Prof Nelago Indongo osha talelepo prime minister Elijah Ngurare ohela. Omupilima okwali nale omupevi nashipundi go SASCAL Governing Board. Oshigongi osha tala koku konga elongelokumwe nomilandu dhoku nkondopeka oku vula kopaunongononi oku yambulapo okuvula oku taalela omashongo ngaashi iikukuta,noku yela uunafalama tau opalele moonkalo dhelunduluko lyonkalo yombepo,noku nawapaleka egameno […] today9 September, 2025
OshiwamboAalumentu yaali oya mangwapo mOtjomuise mo Windhoek metitano,sho yaadhika no cannabis yongushu yoodoola oomilion dha konda 9 Omupopiliko gopolisi omupevi komufala Kauna Shikwambi okwa koleke omamangepo nena. Ya mangwapo omulumentu omu Namibia gomimvo 46,aadhika niipakete 10 yo Cannabis skunk nomuhingi loli gomimvo 44 ngoka a kutha iipakete mbyoka ko S.A,noya mangwapo lopotundi onti 05h55 mo Akureyyri Street,sha landula oshikonga shomonanguwi sha kwatelwa komeho kospan yomoshitopolwa yoku kondjitha iingangamithi. Aafekelwa ayehe shiikwatelela ku Shikwambi oyeli mondjedhililo nomakonakono gopolisi otaga tsikile. today8 September, 2025
insert_link OshiwamboOkomisi yomahogololo nena oya tameke noshigongiilonga shoku dheula aanambelewa yawo yomahogololo komeho yomahogololo gomalelo giitopolwa noondoolopa geliko mu November Okomisi yomahogololo nena oya tameke noshigongiilonga shomasiku 11 shaanambelewa yawo kOtjiwarongo moshitopolwa Otjozondjupa oku ilongekidhila omahogololo gomalelo goondoolopa niitopolwa geliko mo 26 November. Komufala go ECN Gerson Tjihenuna okwati aanambelewa 208 oya kwatelamo aanambelewa yomahogololo miitopolwa,oo returning officers,aanambelewa yomahogololo,aanambelewa yo logistics and technology okuza miitopolwa ayihe 14 yoshilongo. Tjihenuna tati oshigongiilonga otashi tala keuliko lyaaulikwahogololwa mboka taaka kutha ombinga momahogololo,oshowo oshikumungu ashihe shomahogololo niizemo. today8 September, 2025
