insert_link Oshiwambo Aantu yatatu oya dhipagelwa moshiponokela taku fekelwa sheipopilo lyoshigwana molukanda Enkandla mo Khayelitsa mo Cape Flats sha S.A Omupopiliko gopolisi Andre Traut okwati opolisi oya yamukula koshiimbuluma uusiku wa piti ,nokwiitsa momudhimba gomulumentu a tsa itaa dhimbululwa. Omanga yeli pehala lyoshiponga,aanambelewa oya tseyithilwa wo oshiningwanima shilwe momudhingoloko gwa faathana. Traut tati pehala etiyali opwaadhika omidhimba dhaalumentu yalwe yaali,nayo ya pya itaaya dhimbululwa. Onzonkundana yo SABC oyati Traut okwati omakonakono gomadhipago ogeli metifa. today29 September, 2025
