insert_link Oshiwambo Omukiintu gomimvo 46 okwiihatapo noku hulithila mongeleka komukunda Mupini No 2 mo Kavango west ongula yohela Nakusa okwa tumbulwa kutya oye Kazana Maria Musenge,omukalimo gomomukunda Karangana. Chief Inspector Raimbert Muronga gopolisi yoshilongo mo Kavango west okwati oshiningwanima osha holoka lopotundi onti 11h00 pethimbo lyelongelokalunga. Muronga tati omukiintu okwiihatapo pethimbo lyelongelokalunga,noku falwa koshipangelo,ashike okwa kolekwa a hulitha sho a thiki koshipangelo. Omudhimba otagu ka ningilwa omakonakono ku talike shoka sheetitha eso lye. today21 July, 2025
