Nashongo oye mayola gondoolopa ya Omuthiya omupe
Beata Nashongo ngoka eli kokatekete kongundu yoSWAPO, okwa hogololwa oye a ninge mayola gondoolopa ya Omuthiya moshitopolwa sha Oshikoto. Nashongo okwa pingenepo Johannes Ndeutapo. Paulus Shimbangala oye ngaashingeyi eli omukuutumbithi gokomitie. Natango elelo otali tsikile lyaahena omupevi mayola. Ayehe oya ganithilwa miilonga nena ku mangestarata Kaeren Kleopas moTsumeb.
