Aadheulwa yuulongiskola taaka ninga ehololomadhilo taya pula iilonga kepangelo

Aadheulwa muulongiskola mboka yaahena iilonga oya thaneka okuninga ehololomadhilahdilo moshilongo ashihe omolwa omakemo gawo guulethimbo gokwaahena iilonga ngoka itaaga yamukulwa.

Noya mbandameke wo okupata oombelewa dhoshikondo shelongo miitopolwa sigo omakemo gawo guuvika,shiikwatelela ku amushagandjayi gwehangano lyo national African Students Association moshitopolwa kavango west Gellasius Kandundu ohela.

Ehololomadhiladhilo olya thanekelwa o 28 November moshilongo ashihe.

Kandundu tati etokolo okuholola omadhiladhilo olya kuthwa omumvo gwa piti kaaleli yaailongi ya yooloka mboka yaahena iilonga.

Tati wo oya kala noku kwatelamo uuministeli welongo  miitopolwa ya yooloka,ashike oonkundathana dhawo inadhi pondolasha.

Mo Kavango east,ehololomadhiladhilo otali tamekele po Rundu Sports Stadium okuya kombelewa yelongo mo Kavango,noku gandja omukanda komukuluntu gwelongo.

Omanga mo Kavango west ehololomadhiladhilo tali tamekele poshiputudhilo sho IUM mo Nkurenkuru,nokuya koombelewa dhelongo.

Kandundu okwati miitopolwa iyali ya Kavango aadheulwa yuulongiskola 3 410 kayena iilonga,shoka sha tindwa kuuministeli welongo.