Ehangano lyo NHE liitulamo oku kondjitha ompumbwe yomagumbo

Omunambelewa kuluntu gwehangano lyo National Housing Enterprises Gisbertus Mukulu okwati aantu ya thika 26 000 oyeli momusholondo gomagumbo konooli yoshilongo.

Pethimbo lyomutumba gwiikundaneki kOngwediva ohela,Mukulu okwati omusholondondo gopashigwana gomagumbo ogwa thikama paaningi yomaindilo ya konda 100 000.

Nokwati ehangano otali longo sigo oompoka tali vulu oku kondjitha ompumbwe yomagumbo.

Ta gwedhako kutya okuthika monena,o NHE oya tunga omagumbo 18 000 moshilongo ashihe.

Ga konda 30000 oga tungwa okupitila mopolohalama yo Mass Housing.

Nomagumbo 505 ogeli metifa lyokutungwa ko Swakopmund,moka 111 ga manithwa okutunga.

Lopokati mpoka,ehangano okwa tegelelwa li ka gandje omagumbo ga konda 50 kOmuthiya omandaaha,taku landula 24 ko Ondangwa ongula,no 70 kOkahao metine.