Omunambelewa omukulunhu welongo moshitopolwa shaHangwena tapula ovadali valongele kumwe novalongi.

Omunambelewa omukulunhu elilepo oshikondo shelongo moshitopolwa sha Hangwena Isak Hamatwi okwati,  ovadali ovena oshinakuwanifwa shakula moku yambidida ounona okuvatekulila omikalo neduliko opo veshipondole momalihongo avo.

Hamatwi edi okwali tedi popi pefimbo leenghundafana odo aninga noshikundaneki sho radio yomudidimbe shopashiwana,  tati ovalongwa ota vapumbwa oku fyulwa peefikola nova teelelika yoo vakale hava pewa eembedi mwaasho vaninga shapuka kutya nee efimbo veli meetundi ile konima yeetundi.

Hamatwi pefimbo leenghundafana tayelifa nghene ovadali tava pumbwa oku longela kumwe nomalelo eefikola moku yambidida omaduliko taapumbiwa kounona.

OKwa ulika ekemo laye kovadali vamwe ovo vena ounona iha veluumbata nawa nohava henuka oku longela kumwe novalongi peefikola,  osho tati luhapu ovadali oha vakala olwaama mbinga momalihumbato mai ounona vavo.

Hamatwi tatu omukumo ovadali vakondeke noku longela kumwe neefikola opo ounona ovo vehena omaduliko vayambididwe kwaaveshe.

Okwatwa yoo omukumo ovakomesho peefikola vakelele omikalo domalushindo mokati kovalongwa.

Hamatwi  tapula natango ovakufimbinga aaveshe valongele kumwe moku kwatela komesho omayambulepo elongo peefikola , omo mwakwatelwa ngaashi edikepo leengulu mambo oshoyo oiyakulifo yelongo taipumbiwa.