Oiwana yahangana yayemba omadipao aningilwa ovakwashiwana moBurkina Faso

Ehangano loiwana yahangana olati olili lanyematekwa komadipao aningilwa ovakwashiwana ovo vayashwa okufya kongudu youkulo yo  Islamist pefimbo loshiningwanima osho shaholoka mo nooli ya  oshondaxa.

Oshikundaneki sho BBC news osha lopota kutya,  ongudu yoonakulwa oyo yadja mongudu yovatwondubo nepangelo  yashiivika nawa nedina  JNIM, ota kulopotwa ya ponokela okamba yetanga lopakwaita, omaumbo oshoyo ee kamba dahangwa datembukila ovanhu moshilando  Djibo, noku twaalela eemwenyo dovakwashiwana veli 40.

Kuyele etanga leameno ola koleka kutya,  omuvalu wovalumenhu omafele vahomata  ovali tava kendabala oku liteyaulila mokamba yetanga lopakwaita.

Oshilongo Burkina Faso , osha talika shili moupyakadi woku kondjifa ongudu yokulo yo  jihadist,  oyo yakala noku didilikwa moshilongo okudja poushiinda longo Mali okudja mo   2015.

Oshilongo ota kulopotwa shili mepangelo lelundululo leenghono doku pangela , shalandula eshi epangelo laumbilweko keenghono detanga lopakwaita omudo wadileko.