Mboka haa kala moondoolopa nayo oya gumwa koshikukuta-Ngoloneya Irimari

 

Ngoloneya goshitopolwa Oshana Elia Irimari okwati oshikukuta inashi guma ashike aanafaalama naamboka haya kala kuushayi,ashike osha guma wo naamboka yeli moondoolopa.

Ngoloneya okwali ta popi pethimbo lyegandjo lyiikulya,ya gandjwa kelelo lyoshitopolwa Oshana,noya pewa omalelo goondoolopa ga 3 ,Ondangwa,Oshakati nOngwediva.

Tati aanamagumbo oyendji oya taalela ompumbwe yiikulya niipumbiwa yopetameko.

Aantu ya thika 12 790 oya shangithwa okupewa iikulya yoshikukuta momalelo goondolopa dhoka 3.

O 6 560 yomwaamboka oya shangithwa mOshakati,omanga yalwe ya shangithwa mOngwediva.

Omiyalu dhaamboka ya shangithwa mOndangwa kadhipo.

Omunashipundi go Oshana Regional Committee Andreas Uutoni okwati iikulya oya kwatelamo ooshako 184 dhuusila wepungu,omakende gomagandhi  gokuteleka geli 184,noondooha dhoohi dhili 737.

Nomagumgo ga thika  552 otaga mona iikulya okuza mopolohalama ndjoka.