Omuhongwa nande nakale apita nawa mondodo 11, ita dulu oku tambulilwa moshiputudilo shoUNAM.

Omunambelewa elilepo oshikondo shoku tambula ova lihongi koshiputudilo shelongo lopombada moshilongo UNAM okwati, nonande omuhongwa oku kale apita noitwa ili pombada mododo 11 ita dulu oku tambulwa moshiputudilo.

Oo eli omunambelewa kulunhu koshikondo shomatambulo , Josy Nghipandua, edi okwe dipopya pefimbo leenghundafana odo ali mudo no radio yomudidimbe yopashiwana moshilongo onghela,  tati ovo tava tambulwa ovovo ashike vawanifapo oitwa oyo taipumbiwa mododo 12.

Nghipandua okwa yandja omayele kovalongwa vakufe oilongwa yavo pandodo yo  AS nande oili 2,  oyo haika lumbakanifwa naikwao i 3 yo dodo yo  ordinary-level ngaashi tashi pumbiwa.

Okwati eshi omufinda landu watulwa omalunduluko , opena eenghatu dafima odo dapumbiwa dinasha netulo koshivalo lomikanda domaulongelwe (NQF) oshoyo eenghatu odo tadi pitike opo omulongwa awaimine oshiputudilo shopombada.

Okwati oshiputudilo oshili yoo tashi tale koipumbiwa yovalongwa ovo vena omaulongelwe okudja pondje yoshilongo.

Nghipandua tatwikile noku yelifa kombinga yeyooloka lomilandu tadi pumbiwa okulandulwa pokati kaavo vena ododo 12,  manga omufinda landu welongo upe wali ina utulwa moilonga,  oshoyo ovo vena ododo 12 veimona konima yomufindalandu upe.

Okwati ovalongwa ovo vena ododo 12 omanga omufinda landu upe wali ina utulwa moilonga,  voo ota vadulu oku ninga omaindilo ee  diplomas oshoyo ee degrees mo  UNAM.

Nghipandua tadenge omufindo nghene shafimana oku lilongekidila noku kwafela ovalongwa ovo taveya oku tambulwa koiputudilo yelongo lopombada.