Iilongo oyindji otayi kuthapo omakwatho kehangano lyo UNRWA

 

Omusholondondo gwiilongo tayi kuthapo manga omakwatho kehangano enene lyiigwana ya hangana lyomakwatho gaa Palestine-UNRWA -otagu koko,sha landula omafekelo ga Israel kutya aanilonga yalyo  ya yooloka okwali yea kutha  ombinga moshiponokela sho Hamas shomu 7th October.

O CNN oya lopota kutya New Zealand okwa ningi oshilongo shongaashingeyi oku kaleka omakwatho,a wayimine USA,UK,Germany,Italy,Japan,Australia,France,Aust-ria,Switzerland,Finland,Canada,Romania na Netherlands.

O European Union otayi tsikile okuyambidhidha  ehangano lyo United Nations Relief and Works Agency for Palestine Refugees in the Near East (UNRWA) nonando pena omafekelo ngoka yati ogomuule.

Lopokati mpoka,amushanga gwepangelo lya America Antony Blinken okwati omudhingoloko mo Middle east ogwa nika oshiponga,ngaashi gwali mo 1973,ta dhenge omuthindo kutya America ota kambadhala oku keelela etandeelo lyiikolokosha.

Ominista ya Israel yo defense Yoav Gallant okwa lombwele aakwiita ohela kutya otaya ningi epondolo oku kondjitha o Hamas,ashike okwati otashi kwata oomwedhi omanga iita inaayiya pehulilo.