Uuministeli wiikwameni omandaaha otau tameke nopolohalama yoku gandja omikanda miitopolwa ayihe 14 yoshilongo

Uuministeli wiikwameni yoshilongo,omatembu egameno nepopilo lyoshigwana okutameka omandaaha otau ka tameka nopolohalama yeshangitho lyomikanda dhopashigwana miitopolwa ayihe 14 yoshilongo.

Omushangwa gwiikundaneki okuza muuministeli ohela ogwati eshangitho otaliyi sigo 18 July notali kwatelemo eshangitho lyoonzapo dhomavalo dhoomvula adhihe,eindilo lyoo duplicates dhoonzapo dhomavalo,eindilo lyuumutse woshilongo,noo duplicate dhuumutse woshilongo.

Opolohalama otayi ka ningilwa komahala ga tothwamo notayi falwa kwaamboka ya tothwamo,unene mboka yeli komahala geli kokule,oshigwana sha pumbwa eyambidhidho nokooskola.

Okalindeeli kopolohalama otaka ka tulwa komapandja gopaungomba guuministeli ,noku tseyithwa wo moo radio nokookamusela.