Ehangano lyaatoolinkundana tali kondema ehepeko lyaatoolinkundana aakiintu

Ehangano lyo Namibia Media Professionals Union NAMPU,ohela olya kondema eponokelo nenge edhengo taku hokololwa lyomutoolinkundana omukiintu komudhindi goonkundana omulumentu koshifokundaneki.

Shika osha landula oshipotha shoka sha patululwa koshihakanwa kosasiyona yopolisi ya Otjomuise.

Omushangwa gwiikundaneki gwa pitithwa komupopiliko gopolisi yoshilongo Dep Comm Kauna Shikwambi okwati mu 01st April kegumbo lili mo Khomasdal,oondjuma odha tukuka pokati kaantu yaali,noku etitha olugodhdi,ndoka lweetitha omutooliinkundana omukiintu gomimvo 30 a patulule oshipotha mu 2nd April.

Ayehe yaali ohaya longele ehangano limwe.

Momushangwa gwikundaneeki,amushanga ta kwathele mehangano lyo NAMPU Jemima Beukes okwa holola okuuva konayi kwehangano omolwa edhengo lyomutoolinkundana gomo radio omukiintu komunilonga pamwe naye gopombanda.

Tati ehangano olya kala noku holola omaipulo kombiga yomiyonena tadhi ningilwa aakiintu komahala giilonga komahangano guutoolinkundana,noya piyaganekwa koshiningwanima shika.

Ehangano lyo NAMPU tali kondema oshininingwanima shika,,tali pula omufekelwa  a taalele oveta.